Мелиорация – қишлоқ хўжалик экинларидан юқори ва барқарор ҳосил олиш учун ноқулай табиий шароитларни тубдан яхшилашга қаратилган техник ва ташкилий хўжалик тадбирлар мажмуидир.
Қишлоқ хўжалиги мелиорацияси бажарадиган вазифаларига кўра 4 турга бўлинади, булар:
суғориш мелиорацияси, зах қочириш мелиорацияси, чучуклаштириш мелиорацияси ва эрозияга қарши мелиорация.
Суғориш мелиорацияси – тупроқ унумдорлигини ошириш, қишлоқ хўжалиги экинларидан юқори ва барқарор ҳосил олиш учун тупроқда намлик этишмайдиган ҳудудларда керакли сув ва у билан боғлиқ озуқа, иссиқлик ва бошқа режимларни таъминлаш ва бошқаришдир.
Зах қочириш мелиорацияси – ортиқча намиққан ерларда тупроқнинг керакли сув, ҳаво, озуқа ва бошқа режимларини таъминлаш учун ортиқча сувларни майдондан олиб чиқиш тадбирларидир.
Чучуклаштириш мелиорацияси – Экинлардан юқори ҳосил олиш учун тупроқдаги ортиқча тузларни чиқариб ташлаб, керакли сув, туз, озуқа ва бошқа режимларни таъминлаш ва бошқаришдир.
Эрозияга қарши мелиорация – сув хўжалик, агротехник ва ўрмончилик комплекс тадбирлари асосида сув ва шамолнинг тупроққа зарарли механик таъсирларини бартараф этишдир.
