Помидор етиштиришда агротехник усулларни такомиллаштириш мақсадида уни бошқа фойдали ўсимликлар билан биргаликда экиш яхши самара беради.
Хусусан, помидор қаторлари орасига райҳон (райҳонча) экиш нафақат даланинг умумий ҳолатини яхшилайди, балки қўшимча ҳосил олиш имконини ҳам беради.
Райҳон ўзининг кучли табиий ҳиди орқали трипс, чигиртка, апҳид каби зарарли ҳашаротларни даладан узоқлаштиради, бу эса пестицидлардан фойдаланиш ҳажмини камайтиради.
Шунингдек, райҳон пояларининг сояси тупроқдаги намликни сақлашга хизмат қилади, натижада сув сарфи камаяди ва помидор ўсимлиги соғлом ривожланади.
Илмий кузатувларга кўра, райҳон билан яқин экилган помидорлар ширали, мазали ва ҳосилдор бўлади. Бундан ташқари, райҳоннинг ўзи ҳам бозорбоп маҳсулот бўлиб, зиравор сифатида реализация қилиниши мумкин.
Оптимал натижага эришиш учун райҳон помидор қаторларига 25–30 см оралиқ билан экилиши тавсия этилади. Бу усул орқали бир ерда икки хил маҳсулот етиштириб, даладан кўп томонлама фойда олиш мумкин бўлади.
