Миллий статистика қўмитасининг дастлабки маълумотларига кўра, Ўзбекистонга 2025 йилнинг январь-ноябрь ойларида 8 та хорижий давлатдан қиймати 54,3 млн АҚШ долларига тенг бўлган 161,4 минг тонна банан импорт қилинган.
2024 йилнинг мос даврига нисбатан импорт ҳажми 10,8 минг тоннага ошган бўлиб, бу Ўзбекистонда импорт меваларга, хусусан бананга бўлган ички талабнинг барқарор ўсиб бораётганидан далолат.
Банан импортида Эквадор асосий етказиб берувчи давлат бўлиб қолмоқда. Эквадордан 145,9 минг тонна банан импорт қилинган бўлиб, ушбу мамлакат ҳиссасига жами импорт ҳажмининг 90 фоиздан ортиғи тўғри келган. Шунингдек, 13,9 минг тонна билан Хитой иккинчи ўринда қайд этилган.
ТОП–5 рўйхатда кейинги ўринларни Қозоғистон (565,8 тонна), Туркия (384,9 тонна) ва Қирғизистон (337,3 тонна) эгаллаган.
Шу билан бирга, импорт географияси аввалги йилга нисбатан қисқарган. 2024 йилнинг 11 ойида 12 та мамлакатдан банан импорт қилинган эди.
