Соҳа бўйича техника таъминотини яхшилаш ва механизация даражасини оширишга алоҳида эътибор қаратилди. Давлат томонидан маҳсулот етиштирувчиларни қўллаб-қувватлаш мақсадида субсидия механизмлари кенг жорий этилди.
Натижада жорий йилнинг 1 декабрига қадар қиймати 5,2 трлн сўм бўлган 9 610 та техника етказиб берилди. Шундан 6 947 таси лизинг асосида, 1 898 таси ўз маблағлари ҳисобидан, 765 таси банк кредити орқали фермер хўжаликлари ва кластерларга топширилди.
Етказиб берилган техникалардан:
- 1 439 та юқори унумли ҳайдов ва чопиқ тракторлари;
- 625 та лазерли ер текислагичлар;
- 1 942 та экиш сеялкалари;
- 240 та ғалла ўриш комбайнлари;
- 963 та пахта териш машиналари;
- шунингдек 4 401 та бошқа техника ва агрегатлар.
Айни шу техникалар мавсум давомида агротехник тадбирларга жалб этилгани фермерлар иш самарадорлигини ошириб, ҳосил сифатининг яхшиланишига ҳисса қўшди.
