2025 йил 9 декабрь куни Президентнинг “Пахтачилик ва ғаллачиликда ҳосилдорликни ошириш учун юқори самарадор интенсив агротехнологияларни қўллашнинг қўшимча чора-тадбирлари тўғрисида”ги ПҚ–370-сонли қарори қабул қилинди.
Унга кўра, 2026 йил учун қуйидаги асосий мақсадли кўрсаткичлар белгиланди:
Асосий мақсадлар
- Замонавий интенсив агротехнологияларни кенг жорий этиш орқали пахтада 50 с/га дан юқори, ғаллада 100 с/га ҳосилдорликка эришиш.
- Илм-фан ютуқлари ва устоз-шогирд анъаналари асосида янги тизимни йўлга қўйиш орқали пахтачиликда ҳосилдорликни ошириш.
2026 йил ҳосилидан бошлаб амалда бўладиган тартиблар
1. Имтиёзли кредитлар
- Тупроқнинг 1 бонитет балига нисбатан норматив ҳосилдорликка 0,7 коэффитсиэнт қўллаган ҳолда пахта хомашёсини етиштириш учун имтиёзли кредитлар берилади.
- 0,6 коэффитсиэнтдан юқори қисмига ликвид гаров таъминоти талаб этилади.
2. Агротехник тадбирларни молиялаштириш
- Пахта етиштиришдаги барча агротехник тадбирлар, жумладан плёнка ва томчилатиб суғориш шланглари хариди имтиёзли кредитлар ҳисобидан молиялаштирилади.
- Кредитлар ҳар йилнинг январь–август ойларида тижорат банклари томонидан ажратилади.
3. Фермерлар учун субсидия
- Йил давомида имтиёзли кредит лимитининг 50 фоизигача фойдаланадиган фермер хўжаликларига сотилган пахта қийматининг 5 фоизи миқдорида субсидия бериш тизими жорий этилади.
Манба: Ҳуқуқий ахборот
