Европада жорий йил фундук етиштириш бўйича охирги йиллардаги энг паст натижа қайд этилди. Италиянинг Пиэдмонт, Латсио ва Ситсилия минтақаларида ҳосил терими одатдагидан анча эрта тугаган.
Ялпи ҳосил ҳажми атиги 70 минг тонна атрофида бўлиб, бу сўнгги ўн йилликдаги энг паст кўрсаткич сифатида қайд этилмоқда. Қизиқарли жиҳати — Чили илк бор Италиядан ўзиб кетиши ва фундук етиштириш бўйича дунёда иккинчи ўринга чиқиши кутилмоқда.
Туркияда ҳам вазият унчалик ижобий эмас: мамлакат ўртача йиллик кўрсаткичларга етолмайди, деган прогнозлар мавжуд. Туркия ва Испанияда кузда кузатилган совуқ уриши, шунингдек зараркунандалар кўпайиши ҳосилдорликка жиддий зарар етказган.
Францияда ҳолат бироз яхши — бу йилги ҳосил ўтган йилга нисбатан кўпроқ бўлган. Аммо Европа бўйлаб умумий танқислик ортгани сабабли, қайта ишловчи корхоналар фундук нархининг ошиши мумкинлиги ҳақида огоҳлантирмоқда.
