Тупроқсиз ҳаёт йўқ ва ҳаётсиз тупроқ ҳам бўлмайди.
Америка тупроқшунослари жамиятига кўра, тупроқ – бу фойдали қазилмалар, ҳаво, сув ва тирик организмлар йиғиндиси бўлиб, улар қатламларда тўпланиб, вақт ўтган саин зичлашиб бораверади. Тупроқ биохилма-хилликнинг энг йирик резервуарларидан бири бўлиб, сайёрадаги ҳаётнинг қарийб учдан бир қисмини ўзида жамлайди! Бир қошиқ тупроқ миллиардлаб микроблар учун ватан бўлиши мумкин.
Тупроқ – океанлардан кейин иккинчи ўринда турувчи углерод омборидир.
Тупроқ улгероднинг энг йирик манбаи, шунингдек, йирик омбори ҳам – унда қуруқликдаги углероднинг тақрибан 75%и сақланади. Тупроқнинг углеродни сақлашдек табиий қобилияти иқлим ўзгаришини юмшатиш ва унга мослашишда муҳим аҳамиятга эга.
Тупроқ – сайёрадаги табиий сувларнинг энг йирик фильтри.
Қанчалик ғалати кўринмасин, лекин дунёдаги бутун тоза сув таъминоти тупроқ туфайли рўй беради – у ҳар йили ўн минг кубокилометрлаб сувни филтрлаб беради. Қаттиқ юзага тушган сув океанга бутун ифлосликларни олиб бориб ташлайди. Тупроққа тушган сув эса, табиий фильтрациядан ўтади.
Тупроқ – жаҳон озиқ-овқат хавфсизлигининг кафолати.
Озиқ-овқат билан таъминлаш тупроқдан бошланади, чунки тупроқ – биз еяётган барча нарсанинг манбасидир.
Соғлом тупроқ – соғлом одамлар.
Тупроқда яшайдиган микроорганизмлардан тиббиётда даволаш учун фойдаланишларини билармидингиз? Аслини олганда, инфекцияларга қарши курашишда биз қўллайдиган барча антибиотикларнинг келиб чиқиши тупроққа бориб тақалади. Айнан тупроқда яшайдиган микроорганизмлар инсониятга стрептомитсин ва сиклоспорин каби ҳаётий муҳим дори-дармонлар инъом этган.
