Лимон дарахтлари кўпинча юмшоқ қалқондор, ўсимлик битлари ва каналар билан зарарланади. Ушбу зараркунандаларга қарши самарали воситалар сифатида қуйидагилар ишлатилади:
- Омайт — 10 литр сувга 3–4 г
- Данадин — 10 литр сувга 10 г
- Нигуол ва Алтикор — 10 литр сувга 1,5 г
Препаратларни ўсимликнинг барча қисмларига, айниқса баргларининг пастки юзасига пуркаш тавсия этилади. Эътибор беринг, гуллаш ва ғунчалаш даврида пуркаш мумкин эмас. Ишларни эрталаб ёки кечқурун бажариш маъқул.
Қора куясимон замбуруғларга қарши 1% ли Бордо суюқлиги ёки 0,5% мис хлор оксиди эритмаси самарали ҳисобланади.
Агар ўсимлик танасида гоммоз ёки елим оқиши билан касаллик кузатилса, касалланган пўстлоқ ва ёғочни соғлом қатламгача кесиб ташлаш лозим. Сўнгра тозаланган жойни 3% ли мис купороси билан дезинфекция қилинг ва боғ катрони билан қопланг.
Катрон тайёрлаш: канифоль ва асал ари мумини 2:1 нисбати билан аралаштиринг, оз миқдорда мол ёғи қўшиб эритилади. Тайёр катрон касалланган жойни қоплашда ишлатилади.
