So‘nggi yillarda piyozni noan’anaviy — ko‘chat orqali yetishtirish texnologiyasi dehqonlar orasida tobora ommalashib bormoqda. Ushbu usul urug‘ sarfini kamaytirish, suvdan tejamkor foydalanish va mehnat xarajatlarini sezilarli qisqartirish imkonini beradi.
Texnologiyaning asosiy farqi
An’anaviy usulda piyoz to‘g‘ridan-to‘g‘ri urug‘dan ekilsa, bu texnologiyada avval ko‘chat yetishtiriladi, so‘ngra doimiy maydonga ko‘chirib ekiladi.
Buning uchun:
- 3–4 kg urug‘
- 15–20-mart kunlari
- 50–60 m² maydonga
- 4×1 sm sxema asosida ekiladi
Ko‘chatlar 55–60 kun davomida parvarish qilinib, keyinchalik asosiy maydonga ko‘chiriladi.
Tavsiya etiladigan navlar
Ko‘chat yetishtirishda quyidagi navlar yaxshi samara beradi:
- Oq dur
- Istiqlol
- Qoratol
Ko‘chatlarni ertagi kartoshka, karam yoki boshoqli ekinlardan bo‘shagan maydonlarga joylashtirish yer unumdorligidan samarali foydalanish imkonini beradi.
Bir gektar maydonga o‘rtacha 800 ming tup ko‘chat joylashtiriladi.
Usulning asosiy ustunliklari
Ko‘chat orqali yetishtirish quyidagi iqtisodiy samaralarni beradi:
- urug‘ sarfi 3–4 barobar kamayadi
- begona o‘tlarni yagonalash va tozalashga ketadigan mehnat 80–90% ga qisqaradi
- sug‘orish uchun sarflanadigan suv 2–2,5 barobar tejaladi
