Qovoq pishganligining belgisi:
– agar bandi qurib, taxtasimon bo‘lib qolgan va ushlaganda qattiq bo‘lsa, demak qovoq pishgan;
– barglarni rangi qochib, qurib boshlashi yoki sarg‘ayishi mumkin. Agar palak hali yashil va suvli bo‘lsa va barglarning rangi endi-endi qochayotgan bo‘lsa, hosilni yig‘ishtirishga hali erta;
– mevalarni (hosilni) rangi to‘yingan bo‘ladi. Naviga ko‘ra qovoq turli ranglarda bo‘lishi mumkin. Shuning uchun qanday rang bo‘lsa ham uni to‘yinganligiga diqqat qilish lozim;
– qovoq po‘stlog‘i zich, qattiq, jilosiz va barmoq bilan bosganda botmaydi;
– qo‘l bilan urganda pishgan qovoqdan jaranglagan ovoz chiqadi.
Agar yuqoridagi 5 belgi namoyon bo‘lsa, u holda qovoq pishgan va uni yig‘ib olsa bo‘ladi..
