Karam — dunyo bo‘yicha eng ko‘p yetishtiriladigan va iste’mol qilinadigan sabzavotlardan biri. U Brassica oilasiga mansub bo‘lib, vitaminlar, minerallar va tolaga boyligi bilan qadrlanadi. Karamning ko‘plab turlari mavjud bo‘lib, ularning har biri o‘ziga xos ta’m, tuzilish va foydali xususiyatlarga ega.
1️⃣ Oq karam (oddiy karam)
Eng keng tarqalgan turi hisoblanadi.
- Barglari och yashil rangda, zich joylashgan.
- Sho‘rva, dimlama, somsa, manti, tuzlama va salatlar tayyorlashda ishlatiladi.
- C vitamini, kletchatka va K vitaminiga boy.
2️⃣ Qizil karam
Tashqi ko‘rinishi bilan oq karamga o‘xshaydi, ammo rangi to‘q binafsha.
- Asosan salatlar uchun ishlatiladi.
- Antioksidantlarga boy bo‘lib, yurak-qon tomir tizimi uchun foydali.
3️⃣ Gulkaram
Bosh qismi gulga o‘xshash bo‘lib, ranglari oq, sarg‘ish yoki binafsha bo‘ladi.
- Qaynatib, qovurib, bug‘da pishirib iste’mol qilinadi.
- Kam kaloriyali bo‘lib, parhez ovqatlar uchun juda mos.
4️⃣ Brokkoli
Gulkaramning yaqin qarindoshi.
- Ranggi yashil, tuzilishi yumshoq.
- Immunitetni mustahkamlaydi, saraton kasalligiga qarshi foydali moddalarga boy.
5️⃣ Pekin karami (Xitoy karami)
Barglari yumshoq va suvli bo‘ladi.
- Asosan salatlar va koreyscha taomlarda ishlatiladi.
- Hazmi yengil, oshqozon uchun foydali.
6️⃣ Bryussel karami
Mayda karamchalardan iborat bo‘lib, poyada o‘sadi.
- Qovurib yoki bug‘da pishirib iste’mol qilinadi.
- Temir, foliy kislotasi va C vitamini ko‘p.
7️⃣ Savoy karami
Barglari burmali va yumshoq tuzilishga ega.
- Go‘shtli taomlar va karamli o‘ramlar uchun juda mos.
- Ta’mi oddiy karamga nisbatan yumshoqroq.
8️⃣ Kolrabi
Poyasi sharsimon bo‘lib, karamga o‘xshash ta’mga ega.
- Xom holda yoki pishirib iste’mol qilinadi.
- Kalsiy va kaliyga boy.
