Limon daraxtlari ko‘pincha yumshoq qalqondor, o‘simlik bitlari va kanalar bilan zararlanadi. Ushbu zararkunandalarga qarshi samarali vositalar sifatida quyidagilar ishlatiladi:
-
Omayt — 10 litr suvga 3–4 g
-
Danadin — 10 litr suvga 10 g
-
Niguol va Altikor — 10 litr suvga 1,5 g
Preparatlarni o‘simlikning barcha qismlariga, ayniqsa barglarining pastki yuzasiga purkash tavsiya etiladi. E’tibor bering, gullash va g‘unchalash davrida purkash mumkin emas. Ishlarni ertalab yoki kechqurun bajarish ma’qul.
Qora kuyasimon zamburug‘larga qarshi 1% li Bordo suyuqligi yoki 0,5% mis xlor oksidi eritmasi samarali hisoblanadi.
Agar o‘simlik tanasida gommoz yoki yelim oqishi bilan kasallik kuzatilsa, kasallangan po‘stloq va yog‘ochni sog‘lom qatlamgacha kesib tashlash lozim. So‘ngra tozalangan joyni 3% li mis kuporosi bilan dezinfeksiya qiling va bog‘ katroni bilan qoplang.
Katron tayyorlash: kanifol va asal ari mumini 2:1 nisbati bilan aralashtiring, oz miqdorda mol yog‘i qo‘shib eritiladi. Tayyor katron kasallangan joyni qoplashda ishlatiladi.
